Frá 2017-2020 var sýning á Listasafni Íslands við Fríkirkjuveg, sem var nefnd Fjársjóður þjóðar, og var úrval verka úr safneigninni. 2021 var sýning með sama heiti sett upp í Safnahúsinu við Hverfisgötu. Á FB síðu Listasafnsins stóð eftirfarandi „Listasafn Íslands sýnir perlur íslenskrar listasögu í Safnahúsinu við Hverfisgötu. Í húsinu er að finna listaverk frá síðari hluta 19. aldar til dagsins í dag sem endurspegla fjölbreytt viðfangsefni listamanna og gefst gestum hússins kærkomið tækifæri til að skoða mörg af helstu listaverkum þjóðarinnar. Þann 1. mars 2021 var Safnahúsið afhent Listasafni Íslands. Það er fyrsta safnbyggingin sem var reist hér á landi og var hún vígð árið 1909 og hefur hýst ýmsar merkar menningarstofnanir síðan. Þessi glæsilega bygging gerir nú Listasafni Íslands kleift að sýna að staðaldri lykilverk úr safneigninni og bætir úr bráðri þörf safnsins fyrir húsnæði til sýningahalds“. Meðal verka á sýningunni var verk Ásgerðar, Vúlkan frá 1986. Meðfylgjandi myndir frá sýningunni eru lánaðar af FB síðum Listasafns Íslands