Hér voru sýnd verk frumherja íslenskra kvenna á sviði myndlistar, höggmyndalistar og vefnaðar. Sýningin var samstarfsverkefni Kvennasögusafns Íslands og Norræna hússins, og valdi Hrafnhildur Schram verkin á sýninguna. Voru það verk eftir þær Þóru Pétursdóttur Thoroddsen (1848-1917), Kristínu Vídalín Jacobson (1864-1943), Kristínu Þorvaldsdóttur (1870-1943), Júlíönu Sveinsdóttur (1889-1966), Kristínu Jónsdóttur (1888-1959), Barböru Árnason (1911-1975), Nínu Tryggvadóttur (1913- 1968), Louisu Matthíasdóttur (1917), Nínu Sæmundsson (1892-1965), Gerði Helgadóttur (1928-1975), Vigdísi Kristjánsdóttur (1904-1981) og Ásgerði Búadóttur (1920). Má sjá á þessari upptalningu að Ásgerður var yngst í hópnum og eini þálifandi þátttakandi sýningarinnar, sem frumkvöðull nútíma listvefnaðar. Sýningin var haldin í tengslum við útgáfu bókar Kvennasögusafnsins um ártöl og áfanga í sögu íslenskra kvenna. Óskað er eftir sýningarskrá og ljómyndum af sýningunni.