Í inngangi umfjöllunar um sýninguna skrifar Aðalsteinn Ingólfsson „Fyrir nokkrum árum hófu menntamálaráðuneytið og sveitarstjórnir víða um land samvinnu um svokallaðar M-hátíðir í þeim tilgangi að glæða menningarstarfsemi í aðskiljanlegum byggðarlögum og gefa þeim jafnframt kost á að njóta ýmissa menningarviðburða höfuðborgarinnar“. Áfram skrifar Aðalsteinn um sýninguna „Réttlætir sýningin fyllilega þá ákvörðun, enda státar hún af nokkrum listamönnum sem þegar hafa markað djúp spor í íslenska myndlist og listhönnun, ég nefni aðeins Ásgerði Búadóttur frá Borgamesi, Elísabetu Haraldsdóttur, Jónínu Guðnadóttur frá Akranesi, Magnús Tómasson, starfandi í Hraunhreppi, Pál Guðmundsson frá Húsafelli, Sigríði Ásgeirsdóttur frá Hvítársíðu og Vigni Jóhannsson frá Akranesi. Þar sem sýningarskrá nefnir ekki einstök verk er óvíst hvaða verk Ásgerðar voru sýnd. Ljósmyndir frá sýningunni eða aðrar upplýsingar eru því vel þegnar.