Þessi sýning heiðraði Lúðvíg Guðmundsson á sextugsafmæli hans, en hann var stofnandi og skólastjóri Handíða- og myndlistaskólans. Þetta var mjög yfirgripsmikil samsýning íslenskra myndlistarmanna og tóku um 30 útskrifaðir nemendur auk nokkurra þáverandi nemendur þátt. Sýnendur voru Bragi Ásgeirson, Eiríkur Smith, Einar Baldvinsson, Guðmundur Guðmundsson (Erró), Hafsteinn Austmann, Hrólfur Sigurðsson, Hörður Ágústsson, Jóhannes Geir, Karl Kvaran, Kjartan Guðjónsson, Pétur Friðrik, Sverrir Haraldsson, Veturliði Gunnarsson, Gerður Helgadóttir, Gestur Þorgrímsson, Jóhann Björnsson, Sveinn Ólafsson, Auður S. Laxness, Ásgerður E. Búadóttir, Sigrún Guðjónsdóttir, Sigrún Gunnlaugsdóttir, Sigrún Ólafsdóttir, Sigríður Björnsdóttir, Kristín Þorkelsdóttir, Kristín Jónsdóttir, Ásta Jónsdóttir, Ásdís Thoroddsen og Jens Guðjónsson. Engin sýningarskrá hefur fundist en samkvæmt blaðafréttum voru sýnd olíumálverk, vatnslitamyndir, gouachemyndir, klippmyndir, steinprent, sáldþrykkmyndir, lágmyndir, mosaikmyndir og gluggi, höggmyndir úr járni og vírmyndir, keramik, listvefnaður, útsaumur, tauþrykk, batik, silfursmíði, bókband, leður-, og bast- og tágavina. Nokkrar blaðaljósmyndir hafa fundist, en engar sem sýna verk Ásgerðar, og heldir því leit að upplýsingum áfram. Fundnar ljósmyndir sýna m.a. járnskúlptúr Gerðar Helgadóttur, brjóstmynd Sigurjóns Ólafssonar af afmælisbarninu og ýmis málverk.