Einu upplýsingar sem hafa fundist um þessa sölusýningu til stuðnings Alþýðubandalaginu fyrir kosningarnar 1956, eru tvær fréttaklausur í Þjóðviljanum. Sá hópur listamanna sem gáfu verk voru ekki af verri endanum, en það voru þau Ásmundur Sveinsson, Jóhannes Kjarval, Rikarður Jónsson, Snorri Arinbjarnar, Sigurður Sigurðsson, Sigurjón Ólafsson, Barbara Árnason, Ríkarður Jónsson, Ásgerður Ester Búadóttir, Benedikt Gunnarsson, Eggert Guðmundsson, Eirikur Smith, Hafsteinn Austmann, Hrólfur Sigurðsson, Jóhannes Geir, Jóhannes Jóhannesson, Karl Kvaran, Kjartan Guðjónsson, Magnús Árnason, Matthías Sigfússon, Sverrir Haraldsson og ef til vill fleiri. Frétt Þjóðviljans fylgir mynd af því málverki sem Barbara gaf. Mikill fengur væri af fleiri ljósmyndum frá sýningunni, eða öðrum gögnum um hana, til að fá vitneskju um hvaða verk Ásgerður gaf af þessu tilefni.